Tónlist

Hér kemur eitt væmið. Reyndar verður líklegast flest allt sem ég skrifa hér mjög væmið. En það er það sem fylgir því að vera nýbökuð mamma með hormónaflæði á milljón.

Alla vega

Þetta er sonur minn. Þórhallur Berg Vilhjálmsson.

Sjá þessar kinnar

Við áttum eina af þessum stundum saman í morgun þar sem ég er að gefa honum og hann horfir svo fallega á mömmu sína. Og þá byrjar fallegt lag í útvarpinu. Og það er nóg. Nóg til þess að fylla augun af vatni. Það er ótrúlegt hvað tónlist getur breytt venjulegri athöfn (það er klárlega athöfn að gefa brjóst) í eitthvað svo dramatískt og fallegt.

En það er líka það sem gerir hversdagsleikan svo skemmtilegan.